【拳王】加晴正藍CP被讚登對　張振朗減磅拍打戲：攰到唔講嘢喇　

TVB台慶劇《拳王》在昨晚（12月8日）劇情講正藍（張振朗飾）為減磅決戰外號「鬼影」的拳手邢冠一（古天祥飾），縱然面對無數美食引誘，仍堅持齋食烚雞蛋。

最終正藍成功減磅，並在擂台上決戰邢冠一，可惜處於下風連番中重拳；為免正藍遭受不必要永久損傷，教練迎風（黃子恒飾）在關鍵一刻掟白毛巾投降。

【思家大戰X拳王】女觀眾摸張振朗尖叫　姚子羚不及家庭隊搶鏡

振朗攰到唔想講嘢

輸了比賽的正藍情緒低落，加晴（蔡潔飾）見狀即指責迎風，迎風即型爆回應：「我係佢教練，有權咁做，亦都有必要咁做。」與之前傲山（黎耀祥飾）處理正曦（譚俊彥飾）比賽手法截然不同。

對於該個重要場口，振朗坦言拍得辛苦又遺憾：「過磅戲有遺憾架。本身我想甩水甩到勁乾，因為想帶畀觀眾真實感，但因為我開劇前已經甩過一次水，拍咗兩個月左右，上擂台前又甩過1次，教練話我唔可以喺兩個月咁短時間內甩3次水，所以我就跟佢建議冇咁做。」

此外，拍打擂台戲連續拍了5、6日，因此振朗說：「所以我無論戲內戲外都好攰，應該喺嗰段時間開始，我就完全唔講嘢喇。」

短裙蔡潔引注目

正藍在劇中雖然木木獨獨，但由於為人正義、熱血又夠堅持，令任性的加晴不期然墮入愛河。尤其與Danny（朱敏瀚飾）送喝醉了的正藍回家一幕，當加晴見到正藍住的地方如此「屈質」，再對比自己處身的豪宅時，眼內滿是憐惜。

不過網民對於相關場口卻「放錯重點」，紛紛留言指短裙Look上陣的蔡潔既吸引又有青春氣息，並盛讚她與張振朗這對CP相當匹配：「年紀望落去好襯！」